काठमाडौं । उपत्यका पृतना स्तरीय पृतनापति ट्रफी २०७६ खेलकुद प्रतियोगिता सुरु भएको छ ।
उपत्यका पृतनाअन्तर्गत रहेका बाहिनी, गण र गुल्मबीचको ट्रफी प्रतियोगिताको उपत्यका पृतनापति उपरथी निरन्जनकुमार श्रेष्ठले उद्घाटन गरेका थिए ।
गोरखबहादुर गण र भैरव गणबीच भएको फुटबल प्रतियोगितामा गोरखबहादुर गण २–० ले विजयी भएको थियो ।
आगामी भदौमा हुने प्रधानसेनापति ट्रफीको तयारीका लागि यो प्रतियोगिता भएको हो ।
