काठमाडौं । नेपाल ओलम्पिक कमिटि (एनओसी) का अध्यक्ष तथा प्रतिनिधिसभा सदस्य जीवनराम श्रेष्ठ र अन्तर्राष्ट्रिय खेलकुद पत्रकार महासंघ (एआईपीएस) का महासचिव अम्जद अजिज मल्लिकबीच भेटवार्ता भएको छ ।
सातदोबाटोस्थित एनओसी कार्यलयमा सोमबार श्रेष्ठ र मल्लिकबीच भेटवार्ता भएको हो । भेटवार्तामा नेपालमा आयोजना हुने १३ औं दक्षिण एसियाली खेलकुद (साग) बारे छलफल भएको थियो ।
नेपाल खेलकुद पत्रकार मञ्च (एनएसजेएफ) ले मंगलबार आयोजना गर्ने एनएसजेएफ पल्सर स्पोर्ट्स अवार्डका लागि मल्लिक नेपाल आएका हुन् ।
मल्लिक पाकिस्तान खेलकुद राइटर्स एसोसियसनका अध्यक्ष समेत हुन् ।
भेटको क्रममा श्रेष्ठले मल्लिकलाई मायाको चिनो प्रदान गरेका थिए ।
