चाँदबागमा बास्केटबल आइतबारबाट 

काठमाडौं । द चाँदबाग स्कुल (सीबीएसइ) को आयोजनामा प्रथम चाँदबाग सीबीएसइ अन्तरविद्यालय थ्री बाइ थ्री बास्केटबल प्रतियोगिता आइतबारदेखि हुने भएको छ ।

प्रतियोगितामा अन्तरविद्यालय र एसइइ दिएर बसेका विद्यार्थीको छुट्टाछुट्टै प्रतिस्पर्धा हुने चाँदबागकी प्रिन्सिपल निरा प्रधानले शुक्रबार आयोजित पत्रकार सम्मेलनमा जानकारी गराइन् ।

अन्तरविद्यलयतर्फ ब्वाइजमा २४ र गल्र्समा १६ टिमको सहभागिता रहने छ । एसइइतर्फ ब्वाइजमा २० र गल्र्समा १२ टिमले भाग लिने छन् । विजेताले ५ हजार र उपविजेताले ३ हजार नगद पुरस्कार पाउने छन् ।

‘मोस्ट भेलुएबल प्लेयर’ लाई जनही ३ हजार नगद पुरस्कारबाट पुरस्कृत गरिने छ । जेठ २९ गतेसम्म बाँसवारीस्थित आयोजककै कोर्टमा हुने प्रतियोगिता लिग कम नकआउट आधारमा हुनेछ ।