काठमाडौं । विश्व लिम्बुले ईपीएल रमाइलो नेपाल फेन्टासी प्रिमियर लिगको उपाधि जितेका छन् ।
इन्ग्लिश प्रिमियर लिग समर्थकहरुको फेसबुक ग्रुप ईपीएल रमाइलो नेपालले आयोजना गरेको फेन्टासीमा विश्वले २४६१ अंकसहित उपाधि जितेका हुन् । लिभरपुलका समर्थक रहेका विश्वले ६ सय भन्दा बढी सहभागीलाई पछि पारेका थिए ।
उपाधिसंगै विश्वले ५० हजार नगदसहित ट्रफी प्राप्त गरे । दोस्रो भएका अजय खड्काले २५ हजार र तेस्रो भएका विवेक मैनालीले १५ हजार हात पारे ।
यस्तै आगामी सिजनको फेन्टासी लिगका लागि दर्ता प्रक्रिया खुल्ला भईसकको समेत ग्रुपमा एडमिन विजय लिम्बुले जानकारी दिए।
यस ग्रुपले खेलकुदसंगै विभिन्न सामाजिक कार्यपनि गर्दै आइरहेको छ । गत वर्ष ग्रुपले सिन्धुपाल्चोकको भोटेनाम्लाङ माध्यमिक विद्यालयलाई ४० हजार बराबरको खेलकुद सामग्री वितरण गरेको थियो ।
