काठमाडौं । नेपालका पुर्व ओलम्पियन खेलाडीद्वय दिपक विष्ट र स्नेहा लक्ष्मी राणाले नवौं अन्तराष्ट्रिय एथ्लेट्स फोरममा सहभागिता जनाउने भएका छन् ।
अन्तराष्ट्रिय ओलम्पिक कमिटिको मुख्यालय रहेको स्विजरल्याण्डको लुसान सहरमा फोरम अप्रिल १३ देखि १७ सम्म संचालन हुनेछ ।
तेक्वान्दोका विष्टले इन्टरनेसनल एथ्लेट्स फोरम र सुटिङकी ओलम्पियन राणाले नेपाल ओलम्पिक कमिटीको तर्फबाट फोरममा सहभागिता जनाउने छिन् ।
विष्ट र राणालाई नेपाल ओलम्पिक कमिटीका अध्यक्ष तथा प्रतिनिधि सभाका सदस्य जीवन राम श्रेष्ठले विदाई गरे ।
कार्यक्रममा मेडिकल कमिशनका अध्यक्ष डा. सरोज कृष्ण श्रेष्ठ, ओलम्पियन उमेश मास्के र नेपाल राष्ट्रिय तथा अन्तराष्ट्रिय खेलाडी संघका अध्यक्ष दिपक श्रेष्ठ लगायतको उपस्थिति रहेको थियो ।
-1735136879.JPG)
