दबाबमा कर्णाली

काठमाडौं । नेपाल प्रिमियर लिगमा आईतबार एक खेल मात्र छ । जसमा भिड्नेछन्, काठमाडौं गोर्खाज र कर्णाली याक्स ।

दिउँसो साढे ३ बजे त्रिवि मैदानमा उत्रदै गर्दा सबैभन्दा बढी दबाब कर्णालमा हुनेछ ।

सुरुवाती चार मध्य एकमात्र जित निकालेको कर्णालीलाई प्रतियोगिताको क्वालिफायर दौडमा कायम रहन जित्नैपर्ने दबाब छ ।

काठमाडौं भने कर्णाली भन्दा सहज अवस्थामा छ । तेस्रो स्थानमा रहेको काठमाडौं आईतबार जित निकाल्दै शीर्ष स्थानको सुदूरपश्चिमसँग दुरी घटाउने लक्ष्यमा रहनेछ ।

कर्णाली २ अंक सहित लिग तालिकाको छैटौं र काठमाडौं ६ अंक सहित तेस्रो स्थानमा छ ।