एमबाप्पेले युभेन्टसविरुद्ध डेब्यू गर्न सक्ने सम्भावना

काठमाडौं। रियल मड्रिडका स्टार स्ट्राइकर किलियन एमबाप्पे क्लब विश्वकपको अन्तिम १६ को खेलमा युभेन्टसविरुद्ध डेब्यू गर्न सक्ने सम्भावना रहेको प्रशिक्षक जाबी आलोन्सोले बताएका छन्।

“उनी कति समय खेल्ने हुन् थाहा छैन, तर ठूलो सम्भावना छ,” आलोन्सोले हार्ड रक स्टेडियममा सोमबार पत्रकार सम्मेलनमा भने।

पहिलो खेलअघि पेटको संक्रमणका कारण एमबाप्पे अस्पताल भर्ना हुनुपरेको थियो। त्यसपछि उनले रियलका समूह चरणका सबै तीन खेल गुमाएका थिए। उक्त खेलमा क्लबले २ जित र १ बराबरीको नतिजा निकालेको थियो।

योसँगै प्रतियोगितामा फेरि स्टार पावरको पुनरागमन हुनेछ।