इलाम। दीपेन्द्रशिखर फुटबल क्लब इलामले १५औं संस्करणको ‘पवित्रहाङमा गोल्ड कप’ अन्तर्राष्ट्रिय महिला फुटबल प्रतियोगिताको उपाधि जितेको छ।
इलामको माङसेबुङ गाउँपालिका–५ स्थित आत्मानन्द रंगशालामा शुक्रबार सम्पन्न फाइनल खेलमा कनकाई नगरपालिका झापामाथि १–० को कठिन जित निकाल्दै दीपेन्द्रशिखरले उपाधि कब्जा गरेको हो।
इलामको जितमा स्वस्तिमा विकले निर्णायक गोल गरिन्। उनले खेलको ४५औं मिनेटमा गोल गोल गरेकी हुन्। उपाधिसँगै इलामले ट्रफीसहित नगद पुरस्कार तीन लाख एक सय ६९ प्राप्त गरेको छ।
उपविजेता बनेको कनकाई झापाले भने दुई लाख १६९ रुपैयाँमा चित्त बुझ्यायो। प्रतियोगिता उदीयमान खेलाडी ताप्लेजुङ फुटबल संघकी प्रजिता राई घोषित हुँदा उत्कृष्ट गोलकिपर झरना नगरकोटी, उत्कृष्ट डिफेन्डर सजिना कोइराला र उत्कृष्ट खेलाडी स्वस्तिमा विक रहिन्। उनीहरू सबै दीपेन्द्रशिखरका खेलाडी हुन्।
सर्वाधिक गोलकर्ता कनकाई झापाकी समीक्षा मगर घोषित भइन्। विधागत उत्कृष्ट खेलाडीहरूलाई नगदसहित ट्रफी प्रदान गरिएको थियो।
-1738314938.jpg)
-1739585714.webp)
