एन्फा र 'ए' डिभिजन क्लबको बैठक बस्दै

काठमाडौं । सहिद स्मारक 'ए' डिभिजन लिग फुटबलको मिति तोक्न आज बिहीबार अखिल नेपाल फुटबल संघ (एन्फा) र 'ए' डिभिजन क्लबबीच छलफल हुँदैछ  ।

एन्फा र 'ए' डिभिजन क्लबबीचको बैठक एन्फा कम्प्लेक्समा अपरान्ह १ बजे सुरु हुनेछ ।

एन्फाले लिगको मिति तय गर्न शीर्ष डिभिजनको लिग खेल्ने १४ क्लबलाई बैठकमा डाकेको हो ।

गत हप्ता बसेको बैठकले आज बिहीबार लिगको मिति तय गर्न एन्फा र क्लब सहमत भएका थिए ।

यस अघि एन्फाले शीर्ष डिभिजनको लिग पुस २८ गतेबाट गर्ने निर्णय गरेको थियो ।

तर, तयारी खर्च नपाएको भन्दै क्लबहरुले तोकिएको मितिमा लिग खेल्ने अस्विकार गर्दै आएको छ । यस्तै क्लबले खेलाडी दर्ता समेत गरेको छैन ।