काठमाडौं । अखिल नेपाल फुटबल संघ (एन्फा) ले फ्रेन्चाइज फुटबल नेपाल सुपर लिग (एनएसएल) सञ्चालनका लागि नयाँ सम्झौता गरेको छ ।
एन्फाले मंगलबार एनएसएल आयोजक नेपाल इभेन्ट म्यानेजमेन्ट कम्पनी प्रालिसँग आठ वर्षको सम्झौता गरेको हो ।
एन्फाका महासचिव किरण राई र नेपाल नेपाल इभेन्ट म्यानेजमेन्ट कम्पनी प्रालिका अध्यक्ष आश्रयता कार्की चौधरीले सम्झौता पत्रमा हस्ताक्षर गरे ।
सम्झौता अनुसार नेपाल इभेन्ट म्यानेजमेन्ट कम्पनी प्रालिले एनएसएल आयोजनाका लागि एन्फालाई १७ करोड २१ लाख रुपैयाँ उपलब्ध गराउनेछ ।
एनएसएलका प्रमुख कार्यकारी अधिकृत सुदीप शर्माले ८ वर्षमा करिब १७ करोड दिने गरि सम्झौता भएको खेलपाटीलाई बताए ।
‘सुरुको दुई वर्ष एन्फालाई १ करोड ५० लाख दिनेछौं । तेस्रो वर्षमा दुई करोड करोड दिनेछौं । त्यसपछिको प्रत्येक वर्ष १० प्रतिशतका दरले बढ्नेछ । करिब १७ करोड रुपैयाँ एन्फाले प्राप्त गर्नेछ ।’ उनले भने ।
यस्तै अध्यक्ष चौधरीले एनएसएलको पहिलो सिजनका लागि १५ लाख रुपैयाँको चेक महासचिव राईलाई हस्तान्तरण गरे।
-1732712797.jpeg)
