बक्सिङ संघका अध्यक्ष अवाले युएई प्रस्थान

काठमाडौं । नेपाल बक्सिङ संघका अध्यक्ष राम अवाले युनाईटेड अरब इमिरेट्स (युएई) प्रस्थान गरेका छन् ।

युएईको आबुधाबीमा आयोजना हुने आईबीए ओडिनरी कंग्रेस र तेस्रो आईबीए ग्लोबल बक्सिङ फोरममा सहभागिता जनाउन अध्यक्ष अवाले शुक्रबार त्यसतर्फ प्रस्थान गरेको संघले जनाएको छ ।

कार्यक्रम यहिँ डिसेम्बर १० देखि १२ सम्म आयोजना हुनेछ ।  

अन्तराष्ट्रिय बक्सिङ संघ अन्तर्गतका राष्ट्रिय संघहरुको उपस्थिती हुने उक्त ग्लोबल फोरममा असल व्यवस्थापन, आईबीए र प्रोफेशनल बक्सिङ संघसँगको सहकार्यता, लैंगिक समानता, बक्सिङको सामाजिक सहकार्यता एवं ओलम्पिकमा खेलाडी तथा आईबीएको स्थान सम्बन्धी महत्वपूर्ण विषयहरुमा छलफल हुने बताईएको छ ।