लामालाई एन्फाको कार्यवाहक अध्यक्षको जिम्मेवारी

काठमाडौं । अखिल नेपाल फुटबल संघ (एन्फा) ले उपाध्यक्ष दावा लामालाई कार्यवाहक अध्यक्षको जिम्मेवारी दिएको छ ।

एन्फा अध्यक्ष पंकज विक्रम नेम्वाङ फिफा विश्वकप फुटबलको उद्घाटन सत्रमा सहभागिता जनाउन कतार जाने भएपछि लामाले कार्यवाहकको जिम्मेवारी पाएका हुन् ।

लामाले मंसिर ३ देखि ६ गतेसम्मका लागि कार्यवाहकको जिम्मेवारी पाएका हुन् ।

फिफा विश्वकप फुटबल मंसिर ४ गतेबाट सुरु हुनेछ ।