काठमाडौं । नवौं राष्ट्रिय खेलकुद प्रतियोगिताको आयोजनामा आर्थिक अनियमितता भएको भन्दै अख्तियार दुरुपयोग अनुसन्धान आयोगमा उजुरी परेको छ ।
नागरिक समाज कास्कीले नवौं राष्ट्रिय खेलकुद प्रतियोगिताको आयोजनाको दौरान लाखौं रुपैयाँ हिनामिना भएको दाबी गर्दै आवश्यक छानबिनका लागि अख्तियार दुरुपयोग अनुसन्धान आयोगको कार्यालय पोखरामा उजुरी गरेको हो ।
नवौं राष्ट्रिय खेलकुद प्रतियोगिता गण्डकी प्रदेशका विभिन्न जिल्लामा असोज २८ देखि कात्तिक ३ गतेसम्म औपचारिक रुपमा सञ्चालन भएको थियो ।
प्रतियोगिताको भद्रगोल व्यवस्थापन र आर्थिक अनियमितताको विषय सार्वजनीक रुपमा उठ्न थालेको छ । सोही क्रममा नागरिक समाज कास्कीले अख्तियारको प्रादेशीक कार्यालयमा उजुरी दिदै छानविनको माग गरेको हो ।
नागरिक समाज कास्कीले नवौं राष्ट्रिय खेलकुदका क्रममा घाईते खेलाडीलाई स्वास्थ्य उपचार सुविधा उपलब्ध नगराएको, प्याराग्लाइडिङ, खेल सञ्चालनका लागि नागरिक उड्यन प्राधिकरणसँग स्विकृति नलिएको, प्रचलित कानुन विपरित अतिबाजी गरिएको र खेल आयोजना पूर्व खेलकुद पूर्वाधार निर्माण तथा खेल मैदानको स्तरोन्नतीको नाममा भएको खर्च विवरण छानविन गर्न माग गरेको छ ।
समाजको तर्फबाट संयोजक रामबहादुर पौडेल र प्रवक्ता गोकुलबहादुर कार्कीले अख्तियारमा उजुरी दर्ता गरेको बताएका छन् ।
-1732712797.jpeg)
