नेपाल टी-ट्वान्टीको मोबाइल एप सार्वजनिक

काठमाडौं । नेपालको आधिकारिक फ्रेन्चाइज क्रिकेट प्रतियोगिता नेपाल टी-ट्वान्टी लिगको मोबाइल एप सार्वजनिक गरिएको छ ।

नेपाल क्रिकेट संघ (क्यान) ले शुक्रबार नेपाल टी-ट्वान्टीको आधिकारिक एप 'सिक्सर' सार्वजनिक गरेको हो ।

क्यानले सिक्सर नेपाल टी-ट्वान्टीको ग्लोबल स्ट्रिमिङ पार्टनर समेत रहेको जनाएको छ ।

पहिलो संस्करणको नेपाल टी-ट्वान्टी लिग असोज ८ देखि कात्तिक ५ गतेसम्म आयोजना हुनेछ । प्रतियोगितामा ६ टोलीले प्रतिस्पर्धा गर्नेछन् ।

पहिलो संस्करणमा कान्तिपुर क्यापिटल, लुम्बिनी अल स्टार्स, विराटनगर सुपर किङ्स, जनकपुर रोयल्स, पोखरा एभेन्जर्स र फारवेस्ट युनाईटेडले प्रतिस्पर्धा गर्ने छन् ।