काठमाडौं । नवौं राष्ट्रिय खेलकुद प्रतियोगिता अन्तर्गत काठमाडौंमा आयोजना हुने पुरुष क्रिकेटको सम्पूर्ण तयारी पूरा भएको छ ।
नेपाल क्रिकेट संघ (क्यान) ले भोलि बिहीबारबाट टियु क्रिकेट मैदान र मुलपानी क्रिकेट मैदानमा सुरु हुने पुरुष क्रिकेटको तयारी पूरा भएको जनाएको छ ।
राष्ट्रिय खेलकुद परिषद्का सदस्यसचिव टंकलाल घिसिङ, राष्ट्रिय खेलकुद समारोह समितिका पदाधिकारीहरू, नेपाल क्रिकेट संघका कार्यवाहक सचिव प्रशान्त विक्रम मल्ल, कोषाध्यक्ष रोशन कुमार सिंहले बुधबार तयारीको अवलोकन गरेका थिए ।
प्रतियोगिताको पहिलो दिन चार खेलहरु हुनेछन् ।
