काठमाडौं । राष्ट्रिय खेलकुद परिषद् (राखेप) अन्तर्गत नेपाल खेलकुद विज्ञान प्रतिष्ठान (सान) ले विद्यालय खेलकुद शिक्षक पाठ्यक्रमलाई समय सापेक्ष परिमार्जन गर्न एकदिने कार्यशाला बिहीबार आयोजना गरेको छ ।
पहिले तयार गरिएको ३ महिने पाठ्यक्रमलाई १५ दिने बनाउन कसरी उपयुक्त हुन्छ भन्ने राय सुझाव संकलन गर्न कार्यशाला आयोजना गरिएको सानका निर्देशक संगमसिं थापाले जानकारी गराए ।
सानका शिवराज भट्टले प्राप्त सुझावका आधारमा पाठ्यक्रमलाई समय साक्षेप बनाइने जानकारी दिए ।
राखेपका सदस्य–सचिव टंकलाल घिसिङले पाठ्यक्रम वैज्ञानिक र समय सुहाउदो हुनु पर्नेमा जोड दिए ।
-1732712797.jpeg)
