काठमाडौं । नेपाल हुने महिला साफ फुटबलको मुल आयोजक कमिटीले प्रतियोगिताका लागि विभिन्न उपसमिति गठन गरेको छ ।
प्रतियोगिताका संयोजक वीरबहादुर खड्काको संयोजकत्वमा मंगलबार बसेको बैठकले विभिन्न उपसमिति गठन गरि संयोजक तोकेको हो ।
मुल आयोजक कमिटीले हस्पिटालिटी कमिटीको जिम्मेवारी मनिष जोशीलाई, हेल्थ कमिटीमा रमेश ब्यञ्जनकारलाई, होटल र यातायात कमिटीमा पुरुषोत्तम थापालाई, टेक्निकल कमिटीमा कृष्ण थापालाई, सेरोमनी कमिटीमा विकास नारायण श्रेष्ठ, प्रचार कमिटीमा सुरेश शाह र नेपाली राष्ट्रिय टिम म्यानेजमेन्ट कमिटीमा सरिला क्षेष्ठलाई जिम्मेवारी दिएको छ ।
एन्फाले यसअघिनै रविन्द्र चन्दलाई भेन्यु म्यानेजर, विजय घलेललाई लोकल जनरल कोर्डिनेटर, दिनेश ब्यञ्जनकारलाई सुरक्षा प्रमुख र सञ्जिव शिल्पकारलाई मार्केटिङ, ब्रोडकास्टिङ र डिजिटल राईट्सको संयोजकको जिम्मेवारी दिएको थियो ।
बैठकले साफको टिकटका लागि न्युनतम २५ लाख रुपैयाँ राखेर टेण्डर खुलाउने निर्णय पनि गरेको छ । नेपालले सेप्टेम्बर ६ देखि १९ गतेसम्म काठमाडौंमा महिला साफको आयोजना गर्दैछ ।
