एन्फा प्रवक्ता शाहद्वारा पदभार ग्रहण

काठमाडौं । अखिल नेपाल फुटबल संघ (एन्फा) का प्रवक्ता सुरेश शाहले पदभार ग्रहण गरेका छन् ।

एन्फाले आइतबारबाट प्रवक्ता शाहले पद सम्हालेको जनाएको छ । एन्फाका महसचिव किरण राईले उनलाई नियुक्त पत्र प्रदान गरेका थिए ।

पांचथरका शाहलाई एन्फाले बिहीबार प्रवक्ता नियुक्त गरेको थियो । एन्फाको दोस्रो कार्यसमिति बैठकले शाहलाई प्रवक्ता नियुक्त गरेको हो ।

एन्फा निर्वाचनमा पंकज बिक्रम नेम्वाङलाई सघाएका शाहलाई प्रवक्ताको जिम्मेवारी दिईएको हो । एन्फामा उनी पूर्व अध्यक्ष गणेश थापा निकट मानिन्छन् ।