काठमाडौं । नेपाल बुद्धिचाल संघको अध्यक्षमा विदुर प्रसाद गौतम निर्वाचित भएका छन् ।
आगामी चार वर्षे कार्यकालका लागि सोमबार भएको निर्वाचनबाट गौतम निर्विरोध निर्वाचित भएका हुन् ।
अघिल्लो कार्यकालमा गौतम वरिष्ठ उपाध्यक्ष रहेका थिए ।
वरिष्ठ उपाध्यक्षमा राजेन्द्र प्रसाद रिजाल निर्विरोध निर्वाचित भएका छन् ।
उपाध्यक्षमा धनबहादुर बोगटी, सुवोधराज शेर्पाली र नारायणदास गमाल निर्वाचित भएका छन् । बोगटीले ३७, शेर्पालीले ३७ र गमालले ३२ मत पाए ।
पाँच जना चुनाबी मैदानमा रहेका मध्ये ओमप्रसाद उपाध्याय र माधवप्रसाद प्रधान भने पराजित भए ।
महासचिवमा धरमबहादुर लामा, सचिवमा मोनालिशा खम्बु, भुपेन्द्र निरौला र उमेश केसी निर्विरोध निर्वाचित भए ।
त्यस्तै कोषाध्यक्षमा ज्ञानेन्द्र महर्जन र सहकोषाध्यक्षमा यज्ञप्रसाद पन्त निर्विरोध भएका छन् ।
खुल्ला सदस्यमा कृष्ण प्रसाद सिग्देल, प्रवीण बहादुर भडेल र रामकिशोर सिंह पराग निर्वाचित भए ।
प्रदेश सदस्यमा प्रदेश १ बाट दिपेन राई, मधेशबाट सुरेन्द्रकुमार शाह, बागमतीबाट निरञ्जन प्रजापति, गण्डकीबाट महेश्वर अधिकारी, लुम्बिनीबाट चन्द्रमणि घिमिरे, कर्णालीबाट शक्तिराम बुढा र सुदूरपश्चिमबाट गोपालप्रसाद श्रेष्ठ निर्विरोध निर्वाचित भएका छन् ।
-1736692535.jpeg)
