पब्जीमा हाइ भोल्टेज र डोटामा टिम बेडोज च्याम्पियन

काठमाडौं । तेस्रो संस्करणको नेपाल ईस्पोर्टस् च्याम्पियनसिप अन्तर्गत पब्जीतर्फको उपाधि हाइ भोल्टेज टिमले जितेको छ ।

नेपाल ईस्पोर्टस् संघको आयोजनमा भएको प्रतियोगिताको फाइनलमा हाइ भोल्टेजले डीआरएस गेमिङलाई पराजित गर्यो । हाइ भोल्टेजको टोलीमा मलिक कार्की, प्रविन तामाङ, सुप्रिम अधिकारी, कौशल खत्री र दिवस कुमार श्रेष्ठ खेलाडी रहेका थिए ।

यस्तै डोटा २ को उपाधि टिम बेडोजले जितेको छ । फाइनलमा टिम तेन्जुकु ग्याङलाई हराउँदै बेडोज च्याम्पियन बनेको हो । यस टोलीमा अभिनव शाक्य, प्रज्वल विष्ट, रमण श्रेष्ठ, सिसन कार्की र लुजा महर्जन रहेका थिए ।

सिएस गोतर्फको उपाधि टिम लेजनले जितेको छ । यस टोलीमा अभियान गौतम, आरम्भ अधिकारी, रियल सिंह, औरास कोइराला, स्वर्णिम शाक्य र सौरब डंगोल रहेका थिए । टिम ख्याक उपविजेता रह्यो ।  

एमएलबिबीको उपाधि आयुस राई, याबेश सुनुवार, कबिन कार्की, सुदेश राई र किशोर गुरुङ रहेको टिम एभेन्जर्सले जितेको छ । टिम पिङपोङ उपविजेता बन्यो ।

त्यस्तै टेकेन ७ को उपाधि दुर्गेश घर्ति मगरले हात पारे ।

विजेताले ईन्डोनेसियाको बालीमा आयोजना हुने १४ औं विश्व इस्पोर्टस् च्याम्पियनसिप २०२२ का लागि दक्षिण एशियाली क्षेत्रीय च्याम्पियनसिप छनोटमा सहभागिता जनाउने छन्  ।