यू-१९ विश्वकप छनोट : नेपालको पहिलो प्रतिद्वन्दी कतार

काठमाडौं । नेपालले सहभागिता जनाउने आईसीसी यू-१९ महिला विश्वकप छनोट अन्तर्गत एसिया छनोटको खेल तालिका सावर्जनिक भएको छ ।

मलेसियामा आयोजना हुने छनोटको खेल तालिका अनुसार नेपालको पहिलो प्रतिद्वन्दी कतार परेको छ ।

नेपालले कतारसँग जुन ३ मा खेल्नेछ  । छनोटमा नेपालसहित, मलेसिया, युएई, थाइल्याण्ड, भुटान र कतार रहेका छन् ।

नेपालले दोस्रो खेलमा युएईविरुद्ध जुन ४ मा खेल्दा भुटानविरुद्ध जुन ६ मा खेल्नेछ ।

त्यस्तै नेपालले जुन ७ मा थाइल्याण्ड र जुन ९ मा मलेसियाविरुद्ध खेल्नेछ ।

नेपालले छनोटका लागि कृतिका मरासिनीलाई कप्तानी चयन गरिसकेको छ ।