चेन्नईलाई हराउँदै राजस्थान प्ले अफमा

काठमाडौं । राजस्थान रोयल्स इन्डियन प्रिमियर लिग (आईपीएल) टी-ट्वान्टी क्रिकेटको प्ले अफमा प्रवेश गरेको छ ।

मुम्बईमा शुक्रबार राति चेन्नई सुपर किङ्सलाई ५ विकेटले हराउँदै राजस्थान प्ले अफमा पुगेको हो ।

राजस्थान सन् २०१८ पछि पहिलो पटक प्ले अफमा पुगेको हो ।

चेन्नईले दिएको १ सय ५१ रनको लक्ष्य राजस्थानले १९ ओभर ४ बलमा ५ विकेट गुमाएर पूरा गर्यो ।

राजस्थानको जितमा यासभी जैसवालले ५९ रनको अर्धशतकीय इनिङ खेले ।

 रविचन्द्र आश्विनले अविजित ४० रन जोडे । कप्तान सन्जु सामसन १५ रनमा आउट भए ।

चेन्नईका प्रशान्त सोलान्कीले २ विकेट लिए ।

त्यसअघि पहिले ब्याटिङ गरेको चेन्नईले २० ओभरमा ६ विकेट गुमाएर १ सय ५० रन जोडेको थियो ।

चेन्नईका मोइन अलिले ९३ रनको अर्धशतकीय इनिङ खेले ।

यस्तै कप्तान महेन्द्र सिंह धोनीले २६ तथा डेभोन कोन्वेले १६ रन जोडे ।

राजस्थानका युजभेन्द्र चाहल र ओबेड म्याककोएले २/२ विकेट लिए ।

यस जितसँगै राजस्थानले १४ खेलमा १८ अंक जोडेर दोस्रो स्थानमा उक्लिएको छ ।

राजस्थानले शीर्ष दुई समेत पक्का गरेको छ ।  अब राजस्थानले पहिलो क्वालिफायर खेल खेल्नेछ ।

चेन्नई १४ खेलमा ८ अंक जोडेर नवौं स्थानमा रहेको छ ।

चेन्नई यस अघि नै प्ले अफ होडबाट बाहिरिसकेको छ ।