नेपालद्वारा युगान्डालाई १०२ रनको लक्ष्य

काठमाडौं । दोस्रो महिला टी-ट्वान्टी अन्तराष्ट्रियमा नेपालले पाहुना टोली युगान्डालाई जितका लागि १ सय २ रनको लक्ष्य दिएको छ ।

टियु क्रिकेट मैदानमा टस हारेर पहिले ब्याटिङ गरेको नेपालले २० ओभरमा ७ विकेट गुमाएर १ सय १ रन बनायो ।

नेपालका लागि बिन्दु रावलले सर्वाधिक २६ रन जोडिन । सरिता मगरले २२ रन जोडिन ।

डोली भट्ट १७ रनमा आउट हुँदा कप्तान रुबिना क्षेत्री ९ रनमा अविजित रहिन् ।

सिता राना मगर ६, इन्दु वर्मा ५ र अप्सरी बेगमले ३ रन जोडिन । कविता जोशी सुन्य रनमा आउट भईन् ।

युगान्डाकी जनेट बाबाजीले २ विकेट लिईन् । रिता मुसामाली, कोन्सी वेको र एन्यिपोले १/१ विकेट लिए ।

नेपाल आज युगान्डालाई हराएर पहिलो खेलमा व्यहोरेको हारको बदला लिने योजनामा रहेको छ ।

सोमबार भएको पहिलो खेलमा युगान्डाले नेपाललाई १२ रनले हराएको थियो ।

युगान्डा भने नेपालविरुद्ध लगतार दोस्रो जित निकाल्न चाहन्छ ।

पाँच खेलको सिरिजमा युगान्डा १-० ले अघि रहेको छ ।