नेपालविरुद्ध खेल्ने युगान्डाको टोली घोषणा

काठमाडौं । युगान्डाले नेपालविरुद्धको टी-ट्वान्टी अन्तराष्ट्रिय सिरिजका लागि टोलीको घोषणा गरेको छ ।

युगान्डा क्रिकेटले कोन्सी निमुन्गुको कप्तानीमा टोलीको घोषणा गरेको हो ।

सिरिजका लागि नेपालले रुबिना क्षेत्रीको कप्तानीमा टोलीको घोषणा गरिसकेको छ ।

टियु क्रिकेट मैदानमा हुने युगान्डा र नेपालबीचको सिरिज पाँच खेलको हुनेछ ।

नेपाल र युगान्डाबीचको पहिलो टी-ट्वान्टी भोलि सोमबार हुनेछ ।

दोस्रो टी-ट्वान्टी जेठ ३ गते र तेस्रो टी-ट्वान्टी जेठ ५ गते हुनेछ ।

यस्तै चौंथो टी-ट्वान्टी जेठ ६ गते र अन्तिम टी-ट्वान्टी जेठ ७ गते हुनेछ ।