नेपाल र जिम्बावे 'ए' बीचको खेल ३३ ओभरको हुने  

काठमाडौं । नेपाल र पाहुना टोली जिम्बावे 'ए' बीचको तेस्रो तथा अन्तिम एकदिवसीय खेल ३३ ओभरको हुने भएको छ।

नेपाल क्रिकेट संघ (क्यान) ले खेल ३३ ओभरको हुने जनाएको छ ।  

वर्षाको कारण टियु क्रिकेट मैदानमा पानी जमेको कारण ढिला सुरु हुने भएपछि खेल ३३ ओभरमा झारिएको हो ।

खेल अपरान्ह १२:३० मा सुरु हुनेछ ।

आज नेपाल जिम्बावेविरुद्ध जित निकाल्दै सिरिज जित्न चाहन्छ ।

तीन खेलको सिरिज १-१ को स्थितिमा रहेको छ ।

पहिलो खेलमा जिम्बावेले नेपाललाई ३ विकेटले हराएको थियो ।

तर दोस्रो खेलमा नेपालले जिम्बावेलाई ९ विकेटले हराएको थियो ।

जिम्बावे पनि जित निकाल्दै सिरिज जित्ने योजनामा रहेको छ । 

आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे 'ए' सँग सिरिज खेलिरहेको हो।

यस अघि भएको तीन खेलको टी-ट्वान्टी सिरिज १-१ को बराबरीमा सकिएको थियो।