आयरल्यान्डले भारत, न्यूजिल्यान्डसहितका देशसँग सिरिज खेल्ने

काठमाडौं । आयरल्यान्डले यसै वर्ष भारत, न्यूजिल्यान्ड, दक्षिण अफ्रिका र अफगानिस्तानविरुद्धको क्रिकेट सिरिज आयोजना गर्ने भएको छ । 

आयरल्यान्डले भारतविरुद्ध दुई खेलको टी–ट्वान्टी सिरिज खेल्नेछ । 

घरेलु टोली आयरल्यान्ड र भारतबीचको खेल जुन २६ र २८ तारिखमा मलाहाइडमा हुनेछ । 

भारतपछि आयरल्यान्डले न्यूजिल्यान्डविरुद्ध तीन खेलको एकदिवसिय र तीन खेलकै टी–ट्वान्टी सिरिज खेल्नेछ । 

जुलाई १०, १२ र १५ तारिखमा मलाहइडमै न्यूजिल्यान्डविरुद्धको सिरिज खेल्ने तालिका रहेको छ । 

त्यसैगरी, आयरल्यान्डले न्यूजिल्यान्डविरुद्ध जुलाई १८, २० र २२ मा टी–ट्वान्टी ब्रिसडोलमा खेल्नेछ । 

दक्षिण अफ्रिकाविरुद्ध आयरल्यान्डले दुई खेलको टी–ट्वान्टी सिरिज खेल्नेछ । 

ब्रिसडोलमा अगस्ट ३ र ५ तारिखमा आयरल्यान्ड र दक्षिण अफ्रिकाबीच खेल हुनेछ । 

आयरल्यान्डले अफगानिस्तानविरुद्ध ५ खेलको टी–ट्वान्टी सिरिज खेल्नेछ । मिति भने तय भएको छैन् ।

आयरल्यान्ड र अफगानिस्तानबीच टेस्ट र एकदिवसिय सिरिज समेत हुनेछ । 

यस अघि बंगलादेशविरुद्ध खेल्ने भनेको सिरिज भने अर्को वर्ष हुनेछ ।