विल्सन फुलहममा अनुबन्धित

एजेन्सी ।  च्याम्पियनसिप क्लब फुलहमले विंगर ह्यारी विल्सनलाई अनुबन्धित गरेको छ ।

फुलहमले प्रिमियर लिग लिभरपुलबाट विल्सनलाई अनुबन्ध गरेको हो ।

विल्सनले फुलहमसँग पाँच वर्षको सम्झौता गरेका छन् ।

२४ वर्षीय विंगरलाई करिब १२ मिलियन पाउण्डमा फुलहमले क्लब भित्र्याएको हो ।

वेल्सका विंगरले पछिल्लो सिजन कार्डिफ सिटीबाट लोनमा खेलेका थिए ।

गत सिजन ३७ खेलमा उनले ७ गोल गरेका थिए ।

यस्तै फुलहमले गोलकिपर पाउलो गज्जानिगालाई समेत अनुबन्ध गरेको छ ।

अर्जेन्टिनाका गोलकिपरले क्लबसँग दुई वर्षको सम्झौता गरेका छन् ।

२९ वर्षीय गोलकिपरलाई फुलहमले टोटेनहमबाट अनुबन्ध गरेको हो ।

गत सिजन उनले इल्चेबाट लोनमा खेलेका थिए ।