विंगर ग्रे एभर्टनमा अनुबन्धित

एजेन्सी । इंग्लिस क्लब एभर्टनले विंगर डीमाराइ ग्रेलाई अनुबन्ध गरेको छ ।

प्रिमियर लिग क्लब एभर्टनले ग्रेलाई जर्मन क्लब बायर लिभरकुसेनबाट अनुबन्ध गरेको हो ।

२५ वर्षीय इंग्ल्यान्डका विंगरले एभर्टनसँग ३ वर्षको सम्झौता गरेको छ ।

सम्झौतासँगै ग्रे २०२४ सम्म एभर्टनमा रहने छन् । एभर्टनले सम्झौता थप गर्ने विकल्प समेत दिएको छ ।

ग्रेले एभर्टनमा ११ नम्बरको जर्सी लगाउने छन् ।

विंगर ग्रे गत वर्ष लेष्टर सिटीबाट जर्मन क्लब गएका थिए ।

जर्मन क्लबका लागि उनले १० बुन्डेसलिगा खेलेका थिए ।