नर्विचका प्रशिक्षकद्वारा सम्झौता नवीकरण

एजेन्सी । प्रिमियर लिग क्लब नर्विच सिटीका मुख्य प्रशिक्षक डानियल फार्कले क्लबसँगको सम्झौता नवीकरण गरेका छन् ।

जर्मन प्रशिक्षकले बुधबार क्लबसँगको सम्झौता नवीकरण गरेका छन् ।

प्रशिक्षक डानियलले थप ४ वर्ष क्लबमा रहने गरि सम्झौता नवीकरण गरेका हुन् ।

४४ वर्षीय प्रशिक्षक डानियल सन् २०२५ सम्म नर्विचमा रहने छन् ।

डानियल सन् २०१७ मा नर्विच आएका थिए ।

डानियलको नेतृत्वमा गत सिजन नर्विचले च्याम्पियनसिपको उपाधि जितेको थियो । र, नर्विच प्रिमियर लिगमा बढुवा भएको हो ।

नर्विचले अगस्ट १४ मा लिभरपुलसँग खेल्दै सिजनको सुरुवात गर्नेछ ।