काठमाडौं । आदीअवादी महिला लिग भलिबलको सेमिफाईनलका खेल आज हुदैछ । काठमाडौंको त्रिपुरेश्वरस्थित राष्ट्रिय खेलकुद परिषदको कभर्डहलमा हुने पहिलो खेलमा चितवन टाईगर्स र नेपाल पुलिस क्लबबीच प्रतिस्पर्धा हुनेछ ।
दोस्रो सेमिफाईनलमा विगागीय टिम एपीएफ र न्यु डायमण्ड एकेडेमीबीच प्रतिस्पर्धा हुनेछ । समुह एको खेलमा चितवनले न्युडायमण्ड र आर्मीलाई पराजित गर्दै समुह विजेताको रुपमा अन्तिम चारमा पुगेको थियो । सो समुहको उपविजेता न्यु डायमण्ड भएको थियो ।
समुह बीको अर्को खेलमा एपीएफले पुलिस र पोखरालाई हराउदै सेमिफाईनल पुगेको थियो । सो समुहमा पुलिस उपविजेता बनेको थियो ।
भलिबलको इतिहासमा सर्वाधिक पुरस्कार राखीको एभिएल बिजेताले ६ लाख नगद प्राप्त गर्ने छ । त्यस्तै उपबिजेताले ३ लाख र तेश्रो हुनेले १ लाख ५० हजार प्राप्त गर्ने छन् । प्रतियोगिताको उत्कृष्ट खेलाडीले एक थान स्कुटर र नगद ५० हजार प्राप्त गर्ने छन् ।
