अर्जेन्टिनासंग फाईनल खेल्ने नेयमारको चाहाना

एजेन्सी । ब्राजिली फरवार्ड नेयमारले अर्जेन्टिनासंग फाईनल खेल्ने चाहाना व्यक्त गरेका छन् ।

उनको कोपा अमेरिकाको फाईनलमा अर्जेन्टिना प्रतिद्धन्दी हुने आशा ब्यक्त गरे । नेयमारले चिरप्रतिद्धन्दीविरुद्ध फाईनलमा आयोजक टिमले उत्कृष्ट प्रर्दशन गर्ने दाबी गरेका छन् ।

सोमबार पहिलो सेमिफाईनलमा ब्राजिलले पेरुलाई १–० ले पराजित गर्दै फाईनल प्रवेश गरेको छ । रियो दि जेनेरियोमा ३५ औं मिनेटमा लुकास पाक्किउटाले विजयी गोल गरेका थिए ।

दोस्रो सेमिफाईनलमा मंगलबार अर्जेन्टिना र कोलम्बियाबीच प्रतिस्पर्धा हुदैछ ।

'म अर्जेन्टिना चाहन्छु । म उसका लागि समर्थन समेत गर्नेछु ।' नेयमारले हाँस्दै भने, 'मेरा साथीहरु अर्जेन्टिनामा छन् । र फाईनल खेल ब्राजिलले जित्नेछ ।' 

पछिल्लो पटक दुवै टिम सन् २००७ को कोपा अमेरिकाको फाईनलमा प्रतिस्पर्धा गरेका थिए । भेनेजोएलमा भएको प्रतियोगिता ब्राजिलले ३–० ले जितेको थियो ।

फाईनलमा अर्जेन्टिना पुगेको खण्डमा दुवै टिमका १० नम्बरका खेलाडीबीचको उत्कृष्टता हेर्न लायक हुनेछ । अर्जेन्टिना मेस्सीबाट प्रेरित देखिन्छ भने ब्राजिललाई नेयमारले अघि बढाईरहेका छन् ।

दुवै खेलाडीले कोपा अमेरिकामा उत्कृष्ट प्रर्दशन गरिरहेका छन् । नेयमारले दुई गोल र तीन गोलको अवसर सिर्जना गरिरहेका छन् भने मेस्सीले चार गोल र चार गोलको अवसर सिर्जना गरेका छन् ।

घरेलु मैदान भएका कारण ब्राजिललाई केही फाईदा हुनेछ । ब्राजिल प्रतियोगिताको साविक विजेता समेत हो ।

दुई वर्ष अघि घरेलु मैदानमा भएको कोपा अमेरिका नेयमारले गुमाएका थिए । तर नेयमार प्रेरित ब्राजिलले सन् २०१३ मा कन्फिडेरेसन कप र ओलम्पिकमा स्वर्ण जितेको थियो ।

मेस्सीले युरोपेली क्लब फुटबलमा बार्सिलोनाबाट सबै उपाधि जितेका छन् । तर उनले अर्जेन्टिनाका लागि केही पनि उपाधि जित्न सकेका छैनन्। अर्जेन्टिना सन् १९९३ पछि पहिलो पटक मुख्य उपाधिको खोजीमा रहेको छ ।