बार्सिलोनाका युवा फरवार्ड उल्भ्समा

एजेन्सी । प्रिमियर लिग क्लब उल्भ्सले बार्सिलोनाका युवा फरवार्ड फ्रान्सिस्को ट्रिन्काओलाई लोनमा अनुबन्ध गरेको छ ।

उल्भ्सले आइतबार २१ वर्षीय फ्रान्सिस्कोलाई लोनमा अनुबन्ध गरिएको जनाएको छ ।

उल्भ्सले युवा फरवार्डलाई एक सिजनको लागि लोनमा अनुबन्ध गरेको हो ।

 उल्भ्सलाई स्थायी खेलाडीको रुपमा २५ मिलियनमा उनलाई अनुबन्धको विकल्प समेत रहेको छ ।

पोर्चुगिज फरवार्ड फ्रान्सिस्को गत सिजन बार्सिलोना आएका थिए ।

गत सिजन फ्रान्सिस्कोले २८ ला लिगामा ३ गोल गरेका थिए ।

पोर्चुगिज क्लब स्पोर्टिङ ब्रागाबाट बार्सिलोनाले उनलाई अनुबन्ध गरेको थियो ।

युवा फरवार्डले बार्सिलोनासँग पाँच वर्षको सम्झौता गरेका थिए ।

फ्रान्सिस्कोले २०१८ मा ब्रागाको सिनियर टिममा डेब्यु गरेका थिए । फ्रान्सिस्कोले ब्रागाका लागि ३३ खेलमा ८ गोल गरेका थिए ।