एजेन्सी । ईन्डियन प्रिमियर लिग टी-ट्वान्टी क्रिकेट (आईपीएल) मा राजस्थान रोयल्सले जितका लागि सनराइजर्स हैदरावादलाई २ सय २१ रनको लक्ष्य दिएको छ ।
दिल्लीमा टस हारेर पहिले ब्याटिङ गरेको राजस्थानले २० ओभरमा ३ विकेट गुमाएर २ सय २० रन बनायो ।
राजस्थानका लागि जोस बट्लरले १ सय २४ रनको शतकीय इनिङ्स खेले । आईपीएलमा पहिलो शतक बनाउने क्रममा उनले ६४ बलमा ११ चौका र ८ छक्का प्रहार गरे ।
त्यसअघि बट्लरले ५६ बलमा १० चौका र ५ छक्का प्रहार गर्दै शतक पूरा गरेका थिए ।
यस्तै कप्तान सन्जु सामसनले ४८ रनको योगदान दिए । यास्भी जैशवाल १६ रनमा आउट हुँदा रियान परागले अविजित १५ रन बनाए ।
हैदरावादका सन्दीप शर्मा, राशिद खान र विजय शंकरले १/१ विकेट लिए ।
आज राजस्थान तेस्रो जित निकाल्ने योजनामा रहेको छ ।
राजस्थान ६ खेलमा ४ अंक जोडेर सातौं स्थानमा रहेको छ ।
हैदरावाद दोस्रो जित निकाल्न चाहन्छ ।
हैदरावादले ६ खेलमा मात्र २ अंक जोडेको छ ।
-1737161533.webp)
