काठमाडौं । त्रिकोणात्मक टी–ट्वान्टी क्रिकेट सिरिज अन्तर्गत नेदरल्यान्ड्सविरुद्धको फाइनल खेलमा नेपालका ओपनर कुशल भुर्तेलले अर्धशतक बनाएका छन् ।
टियु क्रिकेट मैदानमा टस हारेर पहिले ब्याटिङ गरिरहेको नेपालका लागि कुशलले अर्धशतक बनाएका हुन् ।
कुशलले ४३ बलमा अर्धशतक बनाएका हुन् । अर्धशतक बनाउने क्रममा उनले ५ चौका र २ छक्का प्रहार गरे ।
कुशलले जारी सिरिजमा चौंथो अर्धशतक बनाएका हुन् ।
यससँगै कुशल एकै सिरिजमा चार अर्धशतक प्रहार गर्ने पहिलो नेपाली खेलाडी बनेका छन् ।
यस अघि कुशलले डेब्यु खेलपछि लगातार तीन टी-ट्वान्टी अन्तर्राष्ट्रियमा अर्धशतक बनाउने खेलाडीको कीर्तिमान बनाएका थिए ।
डेब्यु खेलपछि कुशलले लगातार तीन खेलमा अर्धशतक बनाएका हुन् ।
नेदल्यान्ड्सविरुद्ध टी-ट्वान्टी अन्तर्राष्ट्रियमा डेब्यु गरेका उनले नेदरल्यान्ड्सविरुद्ध २ तथा मलेसियाविरुद्ध १ अर्धशतक प्रहार गरेका थिए ।
उनले नेदरल्यान्ड्सविरुद्धको दोस्रो खेलमा ४१ बलमा अर्धशतक बनाएका थिए । कुशलले नेदरल्यान्ड्सविरुद्धको पहिलो तथा डेब्यु खेलमा ६२ रन बनाएका थिए ।
यस्तै मलेसियाविरुद्ध कुशलले अविजित रहदै ६१ रनको इनिङ्स खेलेका थिए ।
-1737161533.webp)
