राजस्थानद्वारा बैंगलोरलाई १ सय ७८ रनको लक्ष्य

एजेन्सी । ईन्डियन प्रिमियर लिग क्रिकेट (आईपीएल) मा राजस्थान रोयल्सले रोयल च्यालेन्जर्स बैंगलोरलाई जितका लागि १ सय ७८ रनको लक्ष्य दिएको छ ।

टस हारेर पहिले ब्याटिङ गरेको राजस्थानले २० ओभरमा ९ विकेट गुमाएर १ सय ७७ रन बनायो ।

राजस्थानका लागि शिबम डुबेले सर्वाधिक ४६ रन बनाए । राहुल टेवाटियाले ४० रन जोड्दा रियान परागले २५ रन बनाए ।

कप्तान सन्जु सामसनले २१ रन बनाउँदा क्रिस मोरिसले १० रन बनाए । 

बैंगलोरका मोहमद सिराज र हर्सल पटेलले ३/३ विकेट लिए । 

केली जेमिसन, केन रिचार्डसन र वासिङ्गटन सुन्दरले १/१ विकेट लिए ।