जिएचसीए उपाधि नजिक

काठमाडौं । जिएचसीए बी एभरफन एन्जल्स हार्ट यु–१३ छात्र जुनियर क्रिकेट लिग–२ को उपाधि नजिक पुगेको छ ।

प्याट्रियोटिकलाई १९ रनले हराउँदै जिएचसीए उपाधि नजिक पुगेको हो ।

प्याट्रियोटिकले टस जितेर जिएचसीए बीलाई ब्याटिङको निमन्त्रणा दिएको थियो । जिएचसीए बीले निर्धारित ७ ओभरको खेलमा ७१ रन बनाउन सफल भयो ।

विस्फोटक ब्याटिङ गरेका बंशी क्षेत्रीले २४ बलमा ४६ रन बनाए भने गोकुल अधिकारीले पनि १२ बलमा १७ रनको योगदान दिए ।

प्याट्रियोटिकको बलिङ दिनेश राजबंशीले २ ओभरमा ११ रन खर्चेर १ विकेट लिएका थिए ।

जितका लागि ७२ रनको लक्ष्य पाएको प्याट्रियोटिक क्रिकेट ट्रेनिङ सेन्टर ७ ओभर खेल्दै ४ विकेटको क्षतिमा मात्र ५३ रन जोड्न सक्यो ।

प्याट्रियोटिक लागि उज्वल काफ्लेले २५ बलमा सर्वाधिक २५ रन बनाएका थिए । परिचय ढकालले उत्कृष्ट बलिङ गदै १ ओभरमा ११ खर्चेर २ विकेट लिएका थिए ।