काठमाडौं । त्रिकोणात्मक टी–ट्वान्टी क्रिकेट सिरिज अन्तर्गत नेदरल्यान्ड्सविरुद्धको खेलमा नेपालका ओपनर कुशल भुर्तेलले अर्धशतक बनाएका छन् ।
टियु क्रिकेट मैदानमा टस जितेर पहिले ब्याटिङ गरिरहेको नेपालका लागि कुशलले अर्धशतक बनाएका हुन् ।
कुशलले ४१ बलमा अर्धशतक बनाएका हुन् । अर्धशतक बनाउने क्रममा उनले ६ चौका र १ चौका प्रहार गरे ।
कुशल ६२ रनमा आउट भए ।
कुशलले लगातार तेस्रो खेलमा अर्धशतक बनाएका हुन् ।
यससँगै कुशलले डेब्यु खेलपछि लगातार तीन टी-ट्वान्टी अन्तर्राष्ट्रियमा अर्धशतक बनाउने खेलाडीको कीर्तिमान बनाएका छन् ।
डेब्यु खेलपछि कुशलले लगातार तीन खेलमा अर्धशतक बनाएका हुन् ।
कुशलले नेदरल्यान्ड्सविरुद्धको पहिलो तथा डेब्यु खेलमा ६२ रन बनाएका थिए ।
यस्तै मलेसियाविरुद्ध कुशलले अविजित रहदै ६१ रनको इनिङ्स खेलेका थिए ।
कुशलले लगातार तीन खेलमा अर्धशतक बनाउने खेलाडी भारतका विराट कोहली, अष्ट्रेलियाको डेभिड वार्नर, सेन वाट्सन, पाकिस्तानका बाबर आजम, श्रीलंकाका कुमार संगकारासँग बराबरी गरेका छन् ।
टी-ट्वान्टी अन्तराष्ट्रिय क्रिकेटमा लगातार ४ अर्धशतक बनाउने खेलाडीको कीर्तिमान दुई जनामा रहेका छन् । लगातार ४ अर्धशतक बनाउनेमा वेष्ट इन्डिजका क्रिस गेल र न्युजिल्यान्डका ब्रेण्डन म्याकुलम रहेका छन् ।
-1737115819.jpeg)
