काठमाडौं । नेपालमा जारी त्रिकोणात्मक टी-ट्वान्टी क्रिकेट सिरिजमा दर्शकलाई प्रवेश निषेध गरिएको छ ।
नेपाल क्रिकेट संघ (क्यान) ले सोमबार एक विज्ञप्ति सार्वजनिक गर्दै सिरिजका बाँकी खेलमा दर्शकलाई निषेध गरिएको जनाएको छ ।
नेपालमा बढ्दो कोरोना भाइरस महामारीलाई मध्य नजर गर्दै नेपाल सरकारको सोमबार बसेको मन्त्री परिषद्को बैठकले सार्वजनिक कार्यक्रममा २५ जनाभन्दा बढी व्ययक्तिहरु भेला नहुन आदेश जारी गरेको थियो ।
बैठकले दर्शक सहितको खेलकुद गतिविधि संचालन गर्न नपाउने आदेश दिएपछि क्यानले टियु क्रिकेट मैदानमा जारी सिरिजका बाँकी खेलमा दर्शकलाई प्रवेश निषेध गरेको हो ।
सिरिजमा दुई खेल खेलेको नेपालले दबै खेलमा जित निकालेको छ । त्यस्तै समान खेल खेलेको नेदरल्यान्ड्सले एक खेलमा जित र एक खेलमा हार व्यहोरेको छ । मलेसियाले भने दुबै खेलमा पराजित भएको छ ।
मंगलबार सिरिजको चौथो खेलमा नेपाल र नेदरल्यान्ड्स भिड्दै छन् । खेल टियू क्रिकेट मैदानमा दिउँसो १:१५ बजे सुरु हुनेछ ।
-1737115819.jpeg)
