काठमाडौं । त्रिकोणात्मक टी–ट्वान्टी क्रिकेट सिरिज अन्तर्गत आज नेदरल्यान्ड्स र मलेसियाबीच प्रतिस्पर्धा हुँदैछ ।
टियु अन्तर्राष्ट्रिय क्रिकेट मैदानमा नेदरल्यान्ड्स र मलेसियाबीचको खेल अपरान्ह १२:१५ बजे सुरु हुनेछ ।
उपाधि दाबेदार मानिएको नेदरल्यान्ड्स आज पहिलो जितको खोजीमा हुनेछ ।
पहिलो खेलमा नेदरल्यान्ड्स नेपालसँग ९ विकेटले पराजित भएको थियो ।
मलेसियालाई हराएर नेदरल्यान्ड्स अंक जोड्न चाहन्छ ।
तर, अन्डर डग टिम मलेसिया पनि नेदरल्यान्ड्सलाई स्तब्ध पार्दै सुखद सुरुवात गर्ने लक्ष्यमा हुनेछ ।
मलेसियाको यो पहिलो खेल हो ।
हालसम्म मलेसिया र नेदरल्यान्ड्सले टी-ट्वान्टीमा प्रतिस्पर्धा गरेको छैन ।
डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।
प्रतियोगिताको फाइनल खेल बैशाख ११ गते हुनेछ ।
-1737115819.jpeg)
