सिद्धान्तको अर्धशतक, कर्णालीलाई २१६ रनको लक्ष्य

काठमाडौं । प्रधानमन्त्री कप (पीएम कप) एकदिवसीय पुरुष क्रिकेट प्रतियोगितामा प्रदेश-१ ले कर्णाली प्रदेशलाई जितका लागि २ सय १६ रनको लक्ष्य दिएको छ ।

कीर्तिपुरस्थित टियु क्रिकेट मैदानमा टस जितेर पहिले ब्याटिङ गरेको प्रदेश-१ ले ५० ओभरमा ९ विकेट गुमाएर २ सय १५ रन बनायो ।

प्रदेश-१ को लागि कप्तान सिद्धान्त लोहनीले ६६ रनको अर्धशतकीय इनिङ्स खेले ।

यस्तै शुभशंकर उराले ३६ रन जोड्दा मिनास थापाले २५ रन बनाए ।

सर्वन यादव र फिर्दोस अन्सारीले १७/१७ रन जोड्दा राजन मगरले १० रन बनाए ।

कर्णालीका रविन्द्र शाहीले ३ विकेट लिए ।

यस्तै दिनेश अधिकारी र अनुज चुनाराले २/२ विकेट लिए ।

आज प्रदेश-१ पहिलो जितको खोजीमा रहेको छ ।

समूह 'ए' को प्रदेश-१ प्रतियोगिताबाट बाहिरिसकेको छ ।

कर्णालीले २ खेलमा २ अंक जोडेको छ ।