घरेलु दर्शक सामु आर्सनलको जित

एजेन्सी । युरोपा लिग फुटबलमा आर्सनलले अष्ट्रियन क्लब ¥यापिट वियनामाथि सहज जित निकालेको छ ।

बिहिबार राति ईमिरेट्स स्टेडियममा घरेलु दर्शक समक्ष आर्सनलले अष्ट्रियन क्लबविरुद्ध ४–१ को सहज जित निकालेको हो ।

अलेक्जेन्ड्रे लाकाजेटले लण्डन क्लबलाई दिलाएको अग्रतालाई पाब्लो मारीले १८ औं मिनेटमा दोब्बर बनाएका थिए । पहिलो हाफको अन्तिम समयमा एडवर्ड निक्केयाले आर्सनललाई ३–० को अवस्थामा पुर्याए ।

दोस्रो हाफ सुरु हुने बित्तिकै कोया कितागावाले पाहुना टोलीका लागि एक गोल फर्काएका थिए । एमिल स्मिथ रोवेले ६६ औं मिनेटमा गोल गर्दै आर्सनललाई ४–१ को सहज जित दिलाए ।

प्रिमियर लिगमा संघर्षरत आर्सनलले युरोपा लिगमा भने उत्कृष्ट नतिजा आत्मसाथ गरेको छ । उसले सतप्रतिशत नतिजा सहित समूह चरणमा ५ खेलबाट १५ अंक जोडेको छ । समूहको तेस्रो अष्ट्रियन क्लबको ६ अंक छ । अघिल्लो चरणको गणितिय सम्भावना उसको समेत बाँकी छ ।

आर्सनल प्रशिक्षक मिकेल अर्टेटाले दर्शक समक्ष घरेलु मैदानमा प्राप्त जितलाई विशेष रातको संज्ञा दिए । झण्डै २ सय ७१ दिनपछि ईमिरेट्स स्टेडियममा घरेलु दर्शक देखिएका थिए ।

करिब २ हजार दर्शकलाई रंगशालामा अनुमती प्रदान गरिएको थियो ।