बार्सिलोनालाई एफटिसी तथा युभेन्ट्सलाई किभको चुनौती

एजेन्सी । यूईएफए च्याम्पियन्स लिग फुटबलमा आज राति बार्सिलोनाले हंगेरीको एफटिसीसँग प्रतिस्पर्धा गर्दैछ ।

बार्सिलोनाले एफटिसीसँग उसैको मैदानमा खेल्नेछ । बार्सिलोना र किभबीचको खेल नेपाली समय अनुसार राति १:४५ बजे सुरु हुनेछ ।

एफटिसीको मैदानमा बार्सिलोना अपराजित यात्रालाई कायम राख्ने लक्ष्यमा हुनेछ ।

समूह 'जी' मा रहेको बार्सिलोना ४ खेलमा १२ अंकसहित शीर्ष स्थानमा रहेको छ ।

बार्सिलोना नकआउट चरणमा प्रवेश गरिसकेको छ ।

एफटिसी १ अंक जोडेर पुछारमा रहेको छ ।

यसै समूहको अर्को खेलमा इटालियन क्लब युभेन्ट्सले युक्रेनी क्लब डाइनामो किभसँग खेल्नेछ ।

घरेलु मैदानमा युभेन्ट्स चौंथो जित निकाल्ने लक्ष्यमा हुनेछ ।

युभेन्ट्स ९ अंक जोडेर समूहको दोस्रो स्थानमा रहेको छ ।

युभेन्ट्स नकआउट चरणमा प्रवेश गरिसकेको छ ।

किभ १ अंक जोडेर तेस्रो स्थानमा रहेको छ ।