एट्लेटिकोको साँघुरो जित

एजेन्सी । स्पेनिस ला लिगा फुटबलमा एट्लेटिको मड्रिडले साँघुरो जित निकालेको छ ।

शनिबार राति भएको खेलमा एट्लेटिकोले भ्यालेन्सियालाई १-० गोल अन्तरले पराजित गरेको हो ।

भ्यालेन्सियाको मैदानमा एट्लेटिकोले आत्मघाती गोलबाट जित निकालेको हो ।

खेलको ७९ औं मिनेटमा भ्यालेन्सियाका टोनी लाटोले आत्मघाती गोल गरेका थिए ।

एट्लेटिकोको जितमा उनको आत्मघाती गोल नै निर्णायक बन्यो ।

जितसँगै दोस्रो स्थानको एट्लेटिकोले ९ खेलमा २३ अंक जोडेको छ ।

एट्लेटिको तालिकाको दोस्रो स्थानमा रहेको छ ।

भ्यालेन्सिया १२ अंक जोडेर तालिकाको १० औं स्थानमा रहेको छ ।

अर्को खेलमा काडिज र इल्चेले १-१ गोलको बराबरी खेल्दै अंक बाडेका छन् ।