रासफोर्डले बीबीसीको स्पेसल अवार्ड पाउने 

एजेन्सी । इंग्ल्यान्ड तथा म्यानचेस्टर युनाईटेडका फरवार्ड मार्कस रासफोर्डले बीबीसीबाट स्पेसल अवार्ड पाउने भएका छन् ।

बेलायतको संचारगृह बीबीसीले रासफोर्डलाई स्पेन अवार्ड प्रदान गरिने जनाएको छ ।

आगामी महिना आयोजना हुने बीबीसी अवार्डको दौरान रासफोर्डलाई सम्मान गरिने बताईएको छ ।

अवार्ड कार्यक्रम डिसेम्बर २० मा आयोजना गरिने बीबीसीले जनाएको छ ।

कोरोना भाईरसको महामारीको समय आर्थिक अवस्था कमजोर भएको बालबालिकालाई गरेको सहयोगको कदर गर्दै बीबीसीले सम्मान गर्ने भएको हो ।

रासफोर्डले कोरोना महामारीको समय स्कुले बालबालिकालाई निशुल्क खाना खुवाउने अभियान चलाएका थिए ।

२३ वर्षीय रासफोर्डले गत महिना बेलायतको प्रतिष्ठित अर्डर अफ द ब्रिटिस एम्पायर (एमबीई) अवार्ड समेत प्राप्त गरेका थिए ।