एजेन्सी । कतारले सन् २०३२ को ओलम्पिक र पाराओलम्पिक आयोजना गर्नका लागि चासो देखाएको छ ।
सन् २०३२ को ओलम्पिक र पाराओलम्पिक आयोजनाका लागि कतार ओलम्पिक कमिटीले निकै अग्रसर देखाएको अन्तर्राष्ट्रिय मिडियाले जनाएका छन् ।
खेलकुदको कुम्भमेला आयोजनाका लागि कतार ओलम्पिकले अन्तर्राष्ट्रिय ओलम्पिक कमिटीसँग छलफल गरिरहेको बीबीसीले जनाएको छ ।
कतार ओलम्पिक कमिटिका अध्यक्ष शेख जोयन बिन हमाद बिन खलिफा अल थानीले प्रतियोगिता गर्नका लागि अन्तर्राष्ट्रिय ओलम्पिकसँग अर्थपूर्ण वार्ता गर्ने बताएका छन् ।
गल्फ राष्ट्र कतारले सन् २०२२ को फिफा विश्वकप फुटबल समेत आयोजना गर्दैछ ।
यस्तै २०३२ को ओलम्पिक आयोजनाका लागि अष्ट्रेलिया, स्पेन र भारतले समेत चासो देखाएको छ ।
-1736559847.jpg)
