रग्बी प्रिमियरसिपका १० जनामा कोरोना

एजेन्सी । इंग्ल्यान्डको रग्बी प्रिमियरसिप खेल्ने ६ खेलाडीसहित १० जनामा कोरोना देखिएको छ ।

प्रिमियरसिप रग्बीले बुधबार खेलाडी र प्रशिक्षक गरी ८ सय ४ जनामा टेस्ट गर्दा १० जनामा कोरोना देखिएको जनाएको छ ।

जसमा ६ खेलाडी र अन्य स्टाफ भएको बताईएको छ ।

प्रिमियरसिप रग्बीले कोरोना देखिने खेलाडी र स्टाफको नाम भने सार्वजनिक गरेको छैन ।

रग्बीको च्याम्पियनसिप सुचारु गर्ने लक्ष्यसहित खेलाडीहरुको कोरोना परिक्षण गरिएको हो ।

च्याम्पियनसिप अगष्टमा सुरु हुने बताईएको छ ।