माइन्जसंग डर्टमण्डको हार

एजेन्सी । रेलिगेशन टार्न संघर्षरत माइन्जसंग बोरुसिया डर्टमण्डले हार ब्यहोरेको छ ।

यस सिजन समेत लिग उपाधि उचाल्न असफल बनेको डर्टमण्डले तालिकाको पुछारतर्फ रहेको माइन्जसंग हार ब्यहोरेको हो ।

बुधबार राति भएको खेलमा माइन्जले डर्टमण्डलाई २–० ले हरायो ।

खेलको ३३ औं मिनेट जोनाथन बुर्कार्डटले गोल गर्दै माइन्जलाई अग्रता दिलाएका थिए । पेनाल्टीमा ४९ औं मिनेटमा जीन फिलिप माटिटाले गोल गर्दै माइन्जको जित सुनिश्चित गरेका थिए ।

पछिल्लो जितसंगै माइन्जले रेलिगेशनबाट जोनबाट आफुलाई ५ अंकले माथि राख्न सफल भएको छ । लिगमा अब दुई चरणको खेलमात्र बाँकी रहेको अवस्थामा माइन्जले रेलिगेशनबाट बच्ने सम्भावना प्रवल बनाएको छ ।

डर्टमण्डले पछिल्ला ११ खेलमा दोस्रो हार ब्यहोरेको हो ।

बार्यन म्युनिखले मंगलबार लिग उपाधि उचालेसंगै डर्टमण्डलाई दोस्रो स्थान सुरक्षित गर्नुपर्ने चुनौती छ ।

डर्टमण्ड शीर्ष स्थानको बार्यन भन्दा १० अंकले पछाडी छ । र तेस्रो स्थानको आरबी आइपजिंग भन्दा तीन अंकले अगाडी छ । अर्को चरणको खेलमा डर्टमण्डले आइपजिगसंग प्रतिस्पर्धा गर्दैछ ।

बुन्डेसलिगा सुरु हुदाँ डर्मण्डको युवा टिम उपाधि जित्न आत्मविश्वासी देखिएको थियो । तर बार्यनको चुनौती पार गर्न नसकेपछि डर्टमण्डले यस सिजन समेत लिग उपाधि जित्न सकेन ।