एजेन्सी । घरेलु टिम वेष्ट इण्डिज महिला क्रिकेट टिम र दक्षिण अफ्रिका महिला टिमबीचको एकदिवसीय क्रिकेट सिरिज स्थगित भएको छ ।
कोरोना भाईरसको महामारीलाई मध्येनजर गर्दै यसै महिनाको अन्तिममा तय भएको सिरिज स्थगित गरिएको हो । दुई टोलीबीच पाँच खेलको एकदिवसीय सिरिज हुने तय थियो ।
श्रीलंकामा जुलाईमा आयोजना हुने आईसीसी विश्वकप क्रिकेट छनोटको तयारीका लागि सिरिज तय गरिएको थियो ।
तर, आईसीसीले विश्वकप छनोट समेत स्थगित गरिसकेको छ ।
सन् २०२१ मा न्युजिल्याण्डमा आयोजना हुने विश्वकपका लागि छनोट खेल जुलाई ३ देखि १९ सम्म हुने तालिका रहेको थियो ।
छनोटमा आयोजक श्रीलंकासँगै बंगलादेश, आयरल्याण्ड, नेदरल्याण्डस, पाकिस्तान, पपुवा न्युगिनी, थाइल्याण्ड, अमेरिका, वेष्ट इण्डिज र जिम्बावेको सहभागिता रहने तालिका रहेको थियो ।
-1736248541.jpg)
