काठमाडौं । स्किब्स थ्रि वाई थ्रि अन्तरबिद्यालय बास्केटबल प्रतियोगितामा आयोजक स्किब्स र एचएचसीए प्रिक्वाटरफाइनलमा प्रवेश गरेका छन् ।
शनिबार भएको सिनियर ब्वाईजतर्फ स्किब्स र एचएचसीएले प्रिक्वाटरमा स्थान बनाएका हुन् । यस्तै बृहस्पती, विल्सन, टिआइए, निम्स ए र बि, केभिकेएस, युलेन्स, श्रीदिवा, हिम्स, जयप्रेमी, होपभ्याली ए र बि, नवज्योती र भ्याली पब्लिकले पनि प्रिक्वाटरमा स्थान बनाएका छन् ।
यस्तै सिनियर गल्र्सतर्फ एभरेष्ट, आयोजक स्किब सी, होलीकेयर, कान्तिपुर, द एक्सेल्सियर, केभिकेएसएस, बृहसपती र निम्स ए पनि प्रिक्वाटरमा स्थान पक्का गर्न सफल भए । जुनियर ब्वाईजमा महामञ्जुश्री र नेरिकले प्रिक्वाटरमा स्थान बनाए ।
श्री चन्द्रबिन्दु ईङ्गलिस स्कुलको आयोजनामा जारी प्रतियोगितामा सिनियर ब्वाईज तर्फ ३१ स्कुल, जुनियर ब्वाईज तर्फ १६ र सिनियर गल्र्स तर्फ २४ स्कुलले प्रतिस्पर्धा गर्ने छन् ।
तीन दिन सम्म संचालन हुने प्रतियोगिताका बिजयी टिम तथा खेलाडीहरुलाई ट्रफी, मेडल र प्रमाण पत्र प्रदान गरिने छ ।
