काठमाडौं । स्किब्स स्कुलको आयोजनामा चौथो स्किब्स अन्तरविद्यालय थ्री अन थ्री बास्केटबल प्रतियोगिता भदौ २ गतेदेखि सुरु हुँदैछ ।
प्रतियोगितामा सिनियर ब्वाइज र गल्र्स तथा जुनियर ब्वाइजमा गरी जम्मा ७० टिमको सहभागिता रहने स्किब्सका प्रिन्सिपल अरुण केसीले जनाएका छन् । सिनियर ब्वाइजमा ३०, सिनियर गल्र्समा २४ र जुनियर ब्वाइजमा १६ टिमले लिग कम नकआउट आधारमा प्रतिस्पर्धा गर्ने छन् ।
प्रतियोगिता सञ्चालन गर्न करिब ३ लाख रुपैयाँ खर्च हुने आयोजकले जनाएको छ । सिनियर ब्वाइज र गल्र्समा हिमालयन ह्यापी चाइल्ड एकेडेमी (एचएचसीए) तथा जुनियर ब्वाइजमा एन्जल्स हार्ट डिफेन्डिङ च्याम्पियन हुन् ।
भदौ ५ गतेसम्म हुने प्रतियोगिताका खेलहरु बसुन्धारास्थित आयोजकको कोर्टमा हुनेछ ।
